ಬೆಂಗಳೂರು: ಅನಿವಾರ್ಯ ಸಂದರ್ಭಗಳಲ್ಲಿ ನೌಕರರ ವೇತನ ವಿಳಂಬವಾದಾಗ ಸಾಲದ ಕಂತು ಮತ್ತು ಮಾಸಿಕ ಪ್ರೀಮಿಯಂ ಕಂತಿನ ಮೇಲೆ 6 ತಿಂಗಳವರೆಗೆ ಬಡ್ಡಿ ವಿಧಿಸದೇ ಇರಲು ಕೆ.ಜಿ.ಐ.ಡಿ. (ಕರ್ನಾಟಕ ಸರ್ಕಾರಿ ವಿಮಾ ಇಲಾಖೆ) ಇಲಾಖೆಯ ನಿರ್ದೇಶಕಿ ಶೋಭಾ (Shobha) ಅವರ ಅಧ್ಯಕ್ಷತೆಯಲ್ಲಿ ನಡೆದ ಸಭೆಯಲ್ಲಿ ಚರ್ಚಿಸಲಾಯಿತು. ರಾಜ್ಯ ಸರ್ಕಾರಿ ನೌಕರರ ಸಂಘದ ರಾಜ್ಯಾಧ್ಯಕ್ಷ ಸಿ.ಎಸ್.ಷಡಾಕ್ಷರಿ ನೇತೃತ್ವದ ನಿಯೋಗದ ಜತೆ ಈ ಬಗ್ಗೆ ಚರ್ಚೆ ನಡೆಸಲಾಯಿತು.
ಕೆ.ಜಿ.ಐ.ಡಿ. ಇಲಾಖೆಯ (KGID) ಆಡಳಿತಾತ್ಮಕ ವಿಷಯಗಳಲ್ಲಿ ಸುಧಾರಣೆ ತರಲು ಷಡಾಕ್ಷರಿ ಅವರ ನೇತೃತ್ವದಲ್ಲಿ ಸಭೆ ನಡೆಸಿ ಈ ಕೆಳಗಿನ ವಿಚಾರಗಳ ಬಗ್ಗೆ ಚರ್ಚಿಸಲಾಯಿತು.
ಈ ಸುದ್ದಿಯನ್ನೂ ಓದಿ: Laxmi Hebbalkar: ಗೃಹಲಕ್ಷ್ಮಿ ಯೋಜನೆಯ ಫಲಾನುಭವಿಗಳ ಪಟ್ಟಿಯಲ್ಲಿ ಪರಿಷ್ಕರಣೆ ಇಲ್ಲ- ಲಕ್ಷ್ಮೀ ಹೆಬ್ಬಾಳ್ಕರ್
- ಕೆಲವು ಸಂದರ್ಭಗಳಲ್ಲಿ ತಾಂತ್ರಿಕ ತೊಂದರೆ ಮತ್ತು ಅನುದಾನದ ಕೊರತೆಯಿಂದ ನೌಕರರ ವೇತನ ವಿಳಂಬವಾದಾಗ ಸಾಲದ ಕಂತು ಮತ್ತು ಮಾಸಿಕ ಪ್ರೀಮಿಯಂ ಕಂತಿನ ಹಣದ ಮೇಲೆ ಬಡ್ಡಿ ವಿಧಿಸುತ್ತಿದ್ದು, ಇಂತಹ ಸಂದರ್ಭದಲ್ಲಿ ಯಾವುದೇ ಬಡ್ಡಿಯನ್ನು 6 ತಿಂಗಳವರೆಗೆ ವಿಧಿಸದೆ ವಿನಾಯಿತು ನೀಡುವುದು.
- ಕೆ.ಜಿ.ಐ.ಡಿ. ಪಾಲಿಸಿಗಳ ಮೆಚ್ಯೂರಿಟಿ ವಯಸ್ಸನ್ನು 55 ವರ್ಷಗಳಿಂದ 60 ವರ್ಷಕ್ಕೆ ಹೆಚ್ಚಿಸುವುದು.
- 2020ನೇ ಮಾರ್ಚ್‌ವರೆಗೆ ಬೋನಸ್‌ ನೀಡಲಾಗಿದ್ದು, 2021ರಿಂದ 2024ರವರೆಗಿನ ಬೋನಸ್‌ ಶೀರ್ಘದಲ್ಲೇ ನೀಡುವುದು.
- ನಿಗಮ-ಮಂಡಳಿ-ಪ್ರಾಧಿಕಾರಗಳಲ್ಲಿ ಕರ್ತವ್ಯ ನಿರ್ವಹಿಸುತ್ತಿರುವ ಸರ್ಕಾರಿ ನೌಕರರ ಕೆ.ಜಿ.ಐ.ಡಿ. ಮಾಸಿಕ ವಂತಿಕೆ ಹಣವನ್ನು ಆನ್‌ಲೈನ್‌ ಮೂಲಕ ಪಾವತಿಸಲು ಕ್ರಮ ಕೈಗೊಳ್ಳುವುದು.
- ಕೆ.ಜಿ.ಐ.ಡಿ. ಸಾಲದ ಕಂತು ಮತ್ತು ಪ್ರೀಮಿಯಂ ಕಂತುಗಳ ಹಣ ಪಾವತಿ ಮತ್ತು ಉಳಿತಾಯದ ಬಗ್ಗೆ ಎಲ್ಲ ನೌಕರರಿಗೆ ಪ್ರತೀ ತಿಂಗಳು ಮೊಬೈಲ್‌ ಸಂದೇಶ ರವಾನಿಸಲು ಕ್ರಮ ಕೈಗೊಳ್ಳುವುದು.
ಈ ಬಗ್ಗೆ ಚರ್ಚಿಸಿ ಕೆ.ಜಿ.ಐ.ಡಿ. ಇಲಾಖೆಯ ನಿಯಮಗಳಲ್ಲಿ ತಿದ್ದಪಡಿ ತರುವುದಾಗಿ ಶೋಭಾ ಭರವಸೆ ನೀಡಿದ್ದಾರೆ.
